Personanan ku ta bou di hipnósis, ta sinti nan mes den un sorto di trance. Durante di terapia hipnósis por wòrdu mirá komo un estado di atenshón konsentrá kaminda bo ta hopi sugestibel. Hipnósis no ta duna kambio, pero e ta duna e posibilidat pa kier kambia. Mi ta di opinion ku durante di dia kada persona ta varios biaha den trance. I bo ta huza hopi biaha sin ripará hipnósis riba bo mes. Anto ku resultadonan negativo, ku despues ta resultá den e remarke: “Bo ta mira, presísamente loke mi tabata pensa”.
Pa bo por wòrdu hipnotisá, bo mester ta interesá den hipnósis i bo mester ta sinti bo mes komfortabel ku e terapeuta. Asina di mes bo ta konfia e persona aki tambe. Profundo of fásil den hipnósis tur dos ta bon pa kambia bo bida emoshonal i sinti bo mas felís. Hopi biaha hende ta bisa mi: “Mi tabata konsiente ba tende” “Mi no a bai leu den sonjo”. Esei tampoko ta e intenshón durante terapia. Aunke ku e sa sosodé tambe ku personanan ta bisami ku pa un momento nan no a sigimi i ku nan tabata mas okupá ku loke nan tin ku bai hasi mas aworó. Òf e por ta asina tambe ku nan ta drenta un relahashón profundo. Na e momento ei nan ta tende mi si, pero nan no a sigi mi verbalmente i tòg nan ta kontesta mi preguntanan. Mientras ku bo por partisipá den e tratamentu ku mi ta ofresé i bo por bisami loke ta sosodé den bo kurpa i bo mente, bo ta na kaminda pa un bida mas agradabel. Pues hipnósis ta un kos di tur dia i komo terapeuta mi ta hasi algu spesial di dje.
