Hipnoterapia

Prosedura



Prome ku bo bini pa bo prome sita, lo mi manda formularionan di inskripshón ku pregunta tokante bo keho i bo bida. Mi ta traha na un manera holístiko. Esei kier men ku mi ta sali for di e punto di bista ku bo ta forma parti di un totalidat mas grandi ku bo. Ta pa e motibu aki lo mi hasi pregunta tokante di bo historia: situashón di bida, sirkustansianan di bo ambiente, personalidat i relashónan interpersonal. Pasobra e kosnan aki por hasi bo malu meskos ku un virus òf un bakteria. E formularionan aki bo ta manda bèk pa mi promé ku bo promé sita tuma lugar. Durante di e prome sita lo mi puntra bo pa informashón adishonal a base di e formularionan di inskripshón.



“Kualke kos ku bo por, òf bo ta sonja ku por hasié, traha riba dje – determinashon ta duna intelecto bryante, forsa i magia.” (Johann Wolfgang Von Goethe)

Plan di tratamentu



Mi ta analisá huntu ku bo komo kliente, kua ta e tipo di intervenshónan ku mi ta konsiderá ku ta mihor pa bo gana bo salud bèk. Den liñanan general spliká, mi ta sigi e siguiente proseso: Investigá-Prosesá-Gana kòntrol bèk di salud físiko i mental- Apoyá e kliente dor di mandele mp3 ku tekstonan sugestivo (loke e por kontinua na kas kuné) òf siñé autohipnósis, loke tambe ta wordu graba i manda komo mp3. .

Kantidat di seshón



Hipnoterapia ta un forma di tratamentu di durashón kòrtiku. Si bo keho i e motibu pa kual bo ta buska ayudo ta sufisientemente kla i definí, e ora ei rònt di 3 a 5 seshón lo ta nesesario. En general despues di e prome seshón ja kaba tin mehoransa. E tempu ku ta separá kada seshón, ta wòrdu disidí huntu (entre e kliente i e terapeuta). Lo ke ta mas importante ta ku abo por bisa kua ta e mehoransa ku bo ta ripará. Durante di e seshónan, mi ta huza diferente intervenshónan (métodonan) terapéutiko pa trata e kausa di bo problema.

Preis pa kada seshón



E preis pa kada seshón ta Nafl 180 (incl. 6% btw). E promé seshón tin un durashón di 2 ora. Seshónan adishonal lo tin un durashón entre 1,5 i 2 ora.