Mi nòmber ta Marlene Monster-Linkers. Mi ta nasé na Korsou na aña 1957 komo e di 15 di 16 yu. Mi ta kasá i nos tin 2 yu hòmber. Ku tempu ma bira konsiente di e ‘forsa interno’ ku nos tur tin. Den pasado mi mes tabata sufri di inseguridat, miedunan i kehonan físiko. Dor di ta kurioso i puntra mi mes si esaki ta loke mi mester siña biba ku ne, ma ripará ku mi mes ta e ‘dirigente’ di mi bida. Nos pensamentu ta originá for di eksperiensianan leu den pasado òf di poko tempu pasá. Un suseso simpel por influensiá nos bida di tal manera ku e ta stroba nos di sinti nos mes liber i kontentu. Susesonan tin un kuminsamentu i un kabamentu. E kos ta ku hopi biaha ahinda nos ta emoshonalmente mará na loke ku a sosodé. Den nos subkonsiente e suseso ahinda ta tumando lugá. Durante di añanan mi a siña hopi tokante nos mente. I mi sa hopi bon kon nos mente ta traha, dor di kual mi por guia bo i liberá bo for di e prizòn di un suseso òf susesonan di den pasado. Dor di esaki bo ta eksperensha di mes ku bo por sigui ku bo bida i ku bo tin mas chòis den bo bida. For di 2009 mi ta guia, komo hipnoterapeuta, personanan pa prosesá nan problemanan dor di kual nan ta haña forsa bèk pa enfrentá bida. Mi ta miembro di e Nederlandse Beroepsvereniging van Hypnotherapeuten (NBVH) i tambe di e organisashón ku ta enkapsulé ku ta Register Beroepsbeoefenaren Complementaire Zorg (RBCZ). Tur dos na Hulanda.
