Sugestiónan ta ideanan ku bo por bisa bo mes sea den bo mes of duru pa bo por tende. E palabranan ku bo ta bisa bo mes òf un otro hende, ta drenta komo sugestión serka bo òf e otro persona. Loke ku bo ta papia òf pensa tokante di dje, lo influensiá bo spiritu, bo kurpa i por lo tanto bo bida. Kada kòmbersashon ku a toka bo kurason, tin e forsa pa kambia bo i laga bo krese òf pa tené bo chikí i limitá.
Mi a jega di lesa un historia tokante ‘e dos wòlf’ ku ta biba den kada hende. E historia ta bai tokante e kòmbersashón entre un tawela ku su nietu. E nietu ta konta e tawela kon tin biaha e ta sintié kontentu i otro biaha rabiá. I e no ta komprondé ta dikón esaki ta sosodé. Su tawela ta konté ku den kurasón di kada persona ta biba dos wòlf. Esun wòlf ta menasá, gruña i morde i e otro ta sabí, suave i amoroso. E nietu ta puntra ta kua di e dos wòlf lo gana. Riba kual e tawela ta kontestá: ‘Esun ku abo ta duna atenshon.’
