Problemanan mental òf físiko
Independientemente di e tipo di problema (sea mental óf físiko) ku bo por tin, e prome kos ku mi ta hasi ta skucha bo historia. Foi adelantá mi ta manda un formulario di anamnese pa bo, riba kual bo por jena algun kos tokante bo bida a base di e preguntanan ku ta wòrdu hasí. Tambe mi ta hasi pregunta tokante karakterístikanan di bo mayornan i e eksperensianan di mas mihor pero tambe esnan di mas malu ku bo por ta tin den bo bida. Eventualmente lo mi por puntra èkstra information na loke mi ta komprondé for di e formulario. E promé seshón lo mi trata bo historia. Kiko por tabata tin asina tantu influensia riba bo, dor di kual bo ta eksperensiando ja sea pa un tempo largu òf kòrtiku un problema físiko òf mental? Mi ta splika bo kon e subkonsiente ta traha. I kon bo mes ta mantené e loke ku bo ta eksperensiando i kon nos ta bai trese kambio den esaki. Ora ku nos a haña klaridat tokante tur loke ku ta pasando, nos lo pasa pa neutralisá e suseso(nan) ku ta tin òf tin mas impákto riba bo. Manera mi a splika na ‘Home’: Un suseso tin un kuminsamentu i un final. E por ta trata di un suseso ku a dura por ta nèt 15 minüt, pero mesun bon e por ta trata di suseso ku a sosodé unu tras di otro durante un periodo di binti aña di bo bida. Bo ta ripará kambio mes ora. Mi ta miré mes ora na e kliente i e komentarionan ku mi ta tende hopi ta: ‘mi ta sinti diferente’, ‘mi ta sintimi mihor’, ‘straño, pero bon’, ‘mi ta sintimi neutral’, ‘aliviá’, ‘e ta keda asina?’, ‘lage sak un ratu den mi mente’……etc. Wak tambe na ‘klientenan ta konta’.
